mercoledì 21 ottobre 2026
Torramus a Illorai sa festa de sas Janas: adòbiu su 13 de santandria
Su Comitadu Pro Illorai cumbidat assotziatziones, coros, chentinas, artesanos e totu sa zente a un'adòbiu organizativu chenàbura 13 de santandria a sas 19:30 in sas ex Elementares, pro fraigare paris sa festa Janas 2027.
Semus nàschidos pro dare su contributu nostru a sa 'idda: pro dare valore a sos logos, a sa zente, a sas traditziones. Bi semus ponende totu, e ringratziamus a totus pro s'azudu de semper.
Como cherimus fàghere unu passu pius mannu: torrare a Illorai sa festa de sas Janas, in beranu de su 2027, a sa prima o a sa segunda fine de chida de maju. Comente e cun cale nùmene l'amus a detzìdere paris. Su chi contat est dare a Illorai una bidrina credìbile, capatze de contare a chie benit dae fora e a sos illoraesos matessi su valore e sa bellesa de sa 'idda nostra: unu caminu in sas carrelas de su tzentru cun puntos de ristoru, chentinas, stand e dimustratziones de sos mestieris de una 'orta, dae su pane a su casu.
Pastores, artesanos, professionistas, coros, assotziatziones, chie si siat chi apat unu talentu o duas manos lìberas: onzi persone podet azudare a dare lustru a sa comunidade, bivende paris una die de festa.
Prima de totu, però, bos cumbidamus a nde faeddare paris. S'adòbiu organizativu est chenàbura 13 de santandria 2026 a sas 19:30, in sas ex Elementares.
Onzi idea e onzi manu sunt pretziosas. Bos isetamus.